«ӘТЖК» АҚ күзетшісі – Азияның үш дүркін күміс жүлдегері

Таяу күндері Қарағанды қ. «ӘТЖК» АҚ филиалының Қарағанды — Сортировочная стансасындағы атқыштар командасының күзетшісі Марина Семенкова ардагерлер арасында жеңіл атлетикадан өткізілген Азияның 16-шы Чемпионатында үш дүркін күміс жүлдегері атанып, Отанына Малайзиядан үлкен жеңіспен оралды.

Ол 200, 400 және 800 ара қашықтықта өзін тамаша көрсетіп, Куала — Лумпур қаласында (Малайзия) өткізілген жарыстардың басты кейіпкері болып атанды. Марина қанжығасына үш бірдей күміс медалі байланды.

Салтанатты түрде Маринаны Алматы қ. Халықаралық әуежайында Алматы қ. «ӘТЖК» АҚ филиалының директоры Мұрат Қоқаев пен республикалық БАҚ өкілдері қарсы алды.

Жерлесіміздің Куала — Лумпур қаласына бұл сапары «ӘТЖК» АҚ топ-менеджментінің қолдауы арқасына ұйымдастырылды.

Сөз сабақтап кетейік, Малайзияның Куала — Лумпур қаласында ардагерлер арасында орын алған жеңіл атлетикадан Азияның 16-шы Чемпионаты үстіміздегі жылдың 4–12 желтоқсан аралығында өткізілген болатын.